讀者投稿《兒科聖手奶奶篇》
女女一歲前由奶奶老爺湊，我明白病係好正常，但由佢地多咗帶女女出街就病密咗，連診所姑娘都話病密咗，月頭病好月尾又嚟過，有一次臨到新年，女女病咗睇咗一次醫生都未好，梗係拿拿淋睇多次啦，新年假期無醫生睇傢嘛，點知睇開嗰個醫生full咗，咁唯有睇奶奶嗰個啦，奶奶話臨假期前驚多人，仲好好話幫我去掛號先，我放工拿拿淋番去啦，番到去問佢幾多號，佢竟然話無掛到。。佢個反應係好似無咗件事咁！
shit！我心諗咁你又話去掛號？你唔去同我講，等我番嚟前去掛咗先呀嘛。。。
當然我無咁講啦，忍住吞氣拿拿淋抱個女去睇醫生，臨出門口問佢拎番d舊藥，諗住比醫生睇，點知奶奶話丟哂，仲話你都睇醫生留嚟做咩？
Shit！我哩嘢忍唔住爆咗句：吓？睇唔同醫生梗係比佢睇食過咩藥啦，爆完哩句我再唔走我真係會粗爆。
好辛苦忍到我離職最後一星期，好不幸我個女又係病咗，睇咗兩次醫生，離職最後一日，奶奶話食咗第2次d藥仲嚴重，仲自作主張餵番第1次d藥，shit！咁我睇嚟做乜？真係吹9脹，我已經無氣同佢講嘢，拿拿淋帶走個女，食咗2日第2次既藥好哂啦，我真係唔明點解佢話食咗會嚴重咗囉，藥係唔可以亂咁溝傢嘛，真係比佢害死!
退一步海闊天高。
Search